Má thagann tú chuig pointe trasnaithe teorann den chéad uair ó cuireadh tús le EES, déanfar an méid seo a leanas:
Beidh ort do chuid sonraí pearsanta a sholáthar. Scanfaidh oifigigh rialaithe pasanna do mhéarloirg nó tógfaidh siad grianghraf de d’aghaidh. Déanfar an t-eolas sin a thaifeadadh i gcomhad digiteach.
Ní stampálfar do phas (bithmhéadrach nó neamh-bhithmhéadrach).
D’fhéadfadh an próiseas sin a bheith níos tapúla má chláraíonn tú cuid de do chuid sonraí roimh ré. Is féidir leat é sin a dhéanamh trí úsáid a bhaint as:
- an trealamh tiomnaithe (‘córas féinfhreastail’), má tá sé ar fáil ag do phointe trasnaithe teorann; agus/nó
- aip mhóibíleach - má chuireann an tír teachta nó an tír imeachta ar fáil í.
In aon cheann de na cásanna thuas, buailfidh tú le hoifigeach rialaithe pasanna.
Má thrasnaigh tú teorainneacha na dtíortha Eorpacha trí úsáid a bhaint as EES níos mó ná uair amháin ó cuireadh tús le EES, déanfar an méid seo a leanas:
Beidh taifead de do mhéarloirg nó an grianghraf de d’aghaidh in EES cheana féin.
Ní bheidh le déanamh ag na hoifigigh rialaithe pasanna ach do mhéarloirg agus do ghrianghraf a fhíorú, rud a thógfaidh níos lú ama. I gcásanna neamhchoitianta, b’fhéidir go mbeidh sé riachtanach do chuid sonraí a bhailiú agus a thaifeadadh arís.
Má tá pas bithmhéadrach agat, beidh tú in ann dul isteach níos tapúla ach úsáid a bhaint as an gcóras féinfhreastail (má tá sé ar fáil ag an bpointe trasnaithe teorann sin). Má tá do chomhad digiteach soiléir ó aon bhac ar thaisteal, de ghnáth ní bheidh ort dul trí oifigeach rialaithe pasanna.
Tabhair faoi deara go bhfuil na coinníollacha eile go léir maidir le dul isteach nó imeacht fós bailí agus féadfaidh oifigigh rialaithe pasanna, ag am ar bith, bearta a dhéanamh de réir mar is gá, mar shampla íomhá d'aghaidh a bhailiú arís, etc.